Komuna e Tetovës bashkëpunon me komunat e qyteteve fqinje, autoritetet lokale në shtetet e rajonit dhe vendet e BE. Komuna e Tetovës bashkëpunon me të gjitha komunat në vend. Ajo është anëtare e Bashkësisë së Njësive të Vetëqeverisjes Lokale të Maqedonisë të Republikës së Maqedonisë dhe ka bashkëpunim të frytshëm me komunën e Elbasanit, komunën Kepez të Antalisë, komunën Bajram Pasha të Stambollit dhe Lyzijesë së Francës .

Zyra për marrëdhënie ndërkombëtare që funksion në kuadër të kabinetit të kryetares së komunës funksionon në drejtim të kyçjes së Tetovës në rrjedhat rajonale dhe ndërkombëtare, shkëmbimin e përvojave në organizimin dhe administrimin e qyteteve, mbrojtjen e mjedisit jetësor, shkëmbimin kulturor, përmirësimin e infrastrukturës urbane, nxitjen e aktivitetit ekonomik dhe prodhimit .

Aktivitetet kryesore në të cilat do të përqendrohet kjo zyrë janë anëtarësimi i komunës së Tetovës në rrjetet rajonale, ndërkombëtare dhe globale si dhe vendosja e marrëdhënieve të mira, bashkëpunimi dhe realizimi i projekteve të përbashkëta me:

• Qytetet e shteteve fqinje dhe qytetet kryesore në rajon
• Qytetet e shteteve kandidate për anëtarësim në BE
• Qytetet e shteteve anëtare të BE
• Qytetet që gjenden jashtë kontinentit evropian

Kontaktoni Zyrën për marrëdhënie ndërkombëtare në:

iroffice@tetova.gov.mk