Територијалната противпожарна единица – Тетово (ТППЕ), е единица која ја опфаќа територијата на општина Тетово и пет рурални општини кои гравитираат кон неа: општина Теарце, општина Јегуновце, општина Желино, општина Брвеница и општина Боговиње. Од единица со едно противпожарно возило и неколку пожарникари, денеска е надградена во современа единица, со 13 специјални противпожарни возила и 75 пожарникари - спасувачи.

Вработените во ТППЕ  Тетово, постојано се дел од бројни проекти и обуки кои ги организираат различни меѓународни и национални организации, за стекнување на современи и светски стандардизирани методи за гаснење пожари и заштита од пожари, како и за евакуација на жртви од сообраќајни незгоди или разни елементарни непогоди.

Во соработка со Operation Florian од Англија, беа организирани многу специјализирани обуки и предавања кои се одржаа во Англија, но и овде кај нас. Пожарникаритесо стекнатимеѓународни сертификати,ги пренесуваат  знаењата и вештините на другите вработени.

Во соработка со Дирекцијата за заштита и спасување и Центарот за управување со кризи, ТППЕ -Тетово продолжува да бидеучесник во државни и меѓународни проекти и како дел од републичките сили, сме една од ретките општини во Република Северна Македонија кои активно учествуваат во меѓународните проекти, како што е проектот на НАТО, EADRCC, за спасување и евакуација на жртви од урнатини по елементарна непогода.

Кога станува збор за образованието, ТППЕ -Тетово се фокусира не само на едукација на вработените, туку и на едукација на граѓаните и децата од сите возрасти, како и на вработените во различни компании во нашиот град и околината. Единицата беше и сеуште е ангажирана во разни кампањи за подигање на јавната свест на нашите граѓани кога станува збор за противпожарната дејност. Целта е да се намали бројот на интервенции при различни пожари и паралелно да се намалат и штетите предизвикани од пожарите.

ТППЕ- Тетово денеска се издигна на ниво на успешна организација која се залага за исполнување на стандардите и потребите на граѓаните-будни и посветени 24 часа без прекин, во заштитата и безбедноста на нашите граѓани и пошироко.