ОПШТИНА ТЕТОВО Е НАДЛЕЖНА ДА ГИ ВРШИ СЛЕДНИВЕ РАБОТИ:

• УРБАНИСТИЧКО ПЛАНИРАЊЕ (урбано и рурално) , доделување на дозволи за градење на објекти од локално значење утврдени со Закон, уредување на простор и градежно уредување на земјиштето.
• ЗАШТИТА НА ЖИВОТНАТА СРЕДИНА И ПРИРОДАТА – мерки за заштита и спречување од загадување на водата, воздухот и земјата, заштита на природата, заштита од бучава и јонизирачко зрачење.
• ЛОКАЛЕН ЕКОНОМСКИ РАЗВОЈ – планирање на локалниот економски развој, дефинирање на развојните и структуралните приоритети, раководење со економската политика, поддршка на развој на мали и средни претпијатија како и иницијативи од лакално ниво и во склоп на тоа учествување во одлучувањето и развојот на локалната мрежа на институции и агенции како и промовирање на партнерството;
• КОМУНАЛНИ ДЕЈНОСТИ – снабдување со вода за пиење, следење на технолошката вода, одведување и прочистување на отпадните води, јавно осветлување, испорака и третман на атмосферски води, одржување на јавна чистота, собирање, транспорт и постапување на комунален цврст отпад, уредување и организирање на јавниот локален патнички сообраќај, снабдување со природен гас и топлинска енергија, одржување на гробовите, гробиштата, крематориумите и давање на погребни услуги; изградба, одржување, реконструкција и заштита на локалните патишта и други инфраструктурни објекти; регулирање на сообраќајниот режим; изградба и одржување на патната сообраќајна сигнализација; изградба и одржување на јавниот простор за паркирање; отстранување на непрописно паркирани возила; отстранување на хаварисани возила од јавни површини; изградба и одржување на пазарите; чистење на оџаците; одржување и функционирање на парковите, зеленилото, парк -шуми и рекреативни површини; уредување, одржување и користење на речните брегови во урбаните делови; одредување на имиња на улици, плоштади, мостови и други инфраструктурни објекти;
• КУЛТУРА– институционална и финансиска поддршка на културните установи и проекти; негување на фолклорот, обичаите, старите занаети и слични културни вредности; организирање на културни манифестации; поттикнување на разновидни специфични форми на творештво;
• СПОРТ И РЕКРЕАЦИЈА – масовен развој на спортот и рекреативните активности; организирање на спортски манифестации; одржување и изградба на спортски објекти; поддршка на сојузите за спортот;
• СОЦИЈАЛНА ЗАШТИТА И ЗАШТИТА НА ДЕЦАТА – детски градинки и старачки домови  ( сопственост, финансирање, инвестиции и одржување), остварување на социјална грижа за инвалидизираните лица, деца без родители и родителска грижа, деца со воспитно-социјални проблеми, деца со посебни потреби, деца од семејства со самохрани родители, деца на улица, лица изложени на социјален ризик, лица засегнати од злоупотреба на дрога и алкохол; воздигнување на свеста на населението, сместување на социјално загрозени лица, реализација на правото за едукација на деца од предшколска возраст.Вршењето на овие надлежности е во согласност со националната програма за развој на социјалната заштита;
• ОБРАЗОВАНИЕ – основање, финансирање и управување со основни и средни училишта, во соработка со централната власт,во согласност со Законот,организирање на превоз и исхрана на учениците и нивно сместување во ученички домови;
• ЗДРАВСТВЕНА ЗАШТИТА – менаџирање со мрежата на јавни здравствени организации и објекти од примарна здравствена заштита кои треба да вклучат застапеност на локалната самоуправа во сите совети на сите организации во јавна сопственост; здравствено воспитување; унапредување на здравјето;превентивни активности;заштита на здравјето на вработените и безбедност при работа; здравствен надзор на животната средина;надзор на заразни болести; помош на пациентите со специјални потреби( на пр.ментално здравје, злоупотреба на деца) и други области кои ќе бидат утврдени со Закон;
• ПРОТИВПОЖАРНА ЗАШТИТА  која ја вршат територијалните противпожарни единици;
• Спроведување и подготвување, како и превземање  на мерки за заштита и спасување на граѓани и материјални добра од војни разурнувања, природни непогоди и други последици предизвикани од нив;
• Надзор врз вршење на работите под нејзина надлежност;
• Други работи утврдени со Закон.