Конакот на Халим Дерала претставува репрезентативен објект и многу привлечен со неговиот надворешен изглед.Традиционалната синтеза претставува начин на изградба со европски елементи кои како западна мода навлегува на територијата на Македонија некаде на средината на 19 век, додека самиот објект претставува единствена уметничка реализација.Објектот е изграден на почетокот на 19 век.

Конакот на Халим Бег претставува асиметрична градба составена од приземје и два ката. Приземјето се состои од простории поврзани со долги ходници.Во поголемиот дел од просториите влезот е непосредно од двор.Овие простории во минатото служеле како помошни места за складирање на храна како и простории за служители.Во репрезентативниот дел се влегува од влез во барок стил со резбани степеници.

На предниот дел се наоѓа салон за прием со голем чардак од една страна и друга висока шестострана просторија од друга страна. Во задниот дел се сместени уште три простории за живеење. Декорот на фасадата е поставен околу прозорците и парапетите што претставува типичен пример на “Барок стил“, украсен со цветови.

Раскошна фасада на западната страна, која е формирана од три волумени поврзани истовремено со разни височини, со посебна декоративна изработка на истите.

Конакот на Халим Бег со текот на времето ја изменил својата функција од станбен објект во објект на општинска администрација, подоцна во објект на управните органи, административен центар и болнички комплекс.Денес во овој објект е сместен Дневниот центар за ментално здравје.